قلق واطمئنان.. وميعاد يرضي الرحمن

ومنه وسهى بيتكلموا بصت منة ومصدقتش اللى هى شايفاه

منة

:محمود؟!!!!!!!و

محمود

ممكن نتكلم شويه؟

نظر محمود الى منه ووجد علامات الدهشه والقلق على وجهها

محمود

ايوه محمود يامنة , محمود اللى هزقتيه انا محمود الى قفلتى السكه فى وشه

منة

:وحضرتك عايز ايه دلوقتى

محمود

الدكتور بتاعكم لسه ماجاش تعالى نروح الكافتريا عايزك فى موضوع المرة دى مافيش تليفون تقفليه فى وشى

منة

ايه ده انت اكيد بتهزر هو باباك مااتكلمش معاك

محمود بضحكه غبيه وسخيفه وماكرة

بابا ... كنت متاكد ان ده هيحصل علشان كده بعد ماسيادتك قفلتى السماعه خرجت من البيت ودورت فى الشوارع لحد ماتيجى الجامعه

منة

لو سمحت ان لحد دلوقتى عامله اعتبار لجيرتنا

محمود

هو ايه ده انتى طالعه فيها كده ليه, يابنتى انا البنات بتترمى عليه

سهى

:استاذ محمود لو سمحت كلمه زياده هنادى لاى زميل فى دفعتنا وهبعته لحرس الجامعه والامن هو اللى هيتصرف معاك

محمود

:حرس الجامعه (ويضحك ضحكه كلها مكر)خلاص انا همشى ماتتعبوش نفسكم بس الكلام لسه ماانتهاش

سهى تنظر الى منه بقلق بعد مغادره محمود

سهى

منة مالك ياحبيبتى انتى مخضوضه كده ليه

منة

:انا عمرى ماشفت كده ياسهى

سهى

يابنتى عادى الشباب اليومين دول ده حالهم بعيد عنك ياختى حال يغم وال ايه عايزين يتجوزوا بلا خيبه

منة

:ضحكتينى ياسهى ربنا يفرحك ويسعدك

سهى

:ايوة ياست منه مش عايزة منك غير الدعوتين دول خليينى اتجوز بقى وابقى مدام شادى (هو مين شادى ده يامنة)

منة

ربنا يخليكى ليه ياسهى , سبحان الله ربنا رزقنى بيكى , بس ياسهى تفتكرى باباه مش هيعرف يعمل معاه حاجه

سهى

:مين ...محمود اه , يابنتى انتى هتجننينى بصى يامنه, هو بيخاف من باباه بدليل انه خرج من البيت بعد ماقفلتى السماعه فى وشه وهو عارف ان باباه وباباكى فى المسجد بيصلو الفجر وبيقروا قران زى عادتهم وبرده توقع انك ممكن تقولى لباباكى وهو هيقول لباباه علشان كده خد السلالم بتاعه عمارتهم جرررررررررررررى

منة

ربنا يطمنك ياسهى

الدكتور دخل قاعه المحاضرات وبدات المحاضره

:::::::::::::::::::::::::::::::::::::::::::::::::::::::::::::

فـى بــيـــــت ســـيـــــف

ام سيف تنظر بدهشه وقلق

: سيف ؟!!!! انت جيت بدرى ليه من الشغل ؟ مالك ياحبيبى انت تعبان؟

سيف

: لا ياامى بس انا عندى شغل النهارده بره الشركه , المدير كلفنى اروح اعاين موقع , موقع خيرى ياامى يعنى حاجه لوجه الله يبقى لازم اشتغل شغل مضاعف وربنا يعيننى

ام سيف

اللهم امين يابنى ربنا يديك الصحه ويرزقك ببنت الحلال اللى تسعدك

سيف

ياسلاااااااام بنت الحلال ايه دلوقتى ياامى . وبعدين انتى زهقتى منى ولا ايه ياست الكل

ام سيف

زهقت ؟!! بقى ده كلام . ازهق من روحى

ابو سيف

مين ده اللى روحك ؟

ام سيف

:سيف ياحاج

ابو سيف

سيف ؟!!! وانا ايه بقى ماليش لازمه ياحاجه؟!!!و

ام سيف

:ازاى بقى ده انت الخير والبركه . ربنا يخليك لينا يارب

سيف

لا بقى انا ماليش فى الحنيه دى, يادوب اخد دش ع السريع واغير هدومى وألحق اروح

::::::::::::::::::::::::::::::::::::::::::::::::::::::::::

بعد انتهاء المحاضره

منة

:يااااااه المحاضره كانت حلوه بشكل

سهى

:محاضره ايه يابنتى , انتى طول المحاضره بتقولى فى اذكار

منة

ايه ده عرفتى ازاى

سهى

انتى يامنه لو عقلك مشغول بحاجه وقدامك قلم وورقه تلقائى بتكتبى اللى مشغوله فيه او بتفكرى فيه انتى عالم لوحدك يامنه

منة

:والله ياسهى الاذكار دى هى اللى هدتنى . نفسيتى استريحت , الحمد لله فوضت امرى لك يارب

سهى

ماشى يامنون ربنا يبعد عنك الشر

هدير وساميه

يلا يامنه هنروح دار الايتام دلوقتى ؟

منة

ان شاء الله وعلى فكرة انا عزماكوا

سهى

:منون حياتى انا بقول البنت دى كريمه طول عمرى , يلا بقى يامنه علشان جعانه

منة

لا انا مش عزماكوا على اكل ,هدايا الايتام كلها انا اللى هشتريها

سهى تنظر ببلاهه

ساميه

:ايووووووووووه هى دى منه عايزة تاخد الثواب كله لوحدها

:وصل البنات بعد شراء الهدايا الى دار الايتام ,دخلت منه وصديقاتها الى الدار وجلسوا مع الاطفال فى حديقه الدارالخلفيه وبدأوا باللعب ولن تستطيع التفرقه بين منه وبين الاطفال لو رأيتموها من بعيد لظننتم انها طفله تلعب وتجرى بكل براءه ,ان جاز التعبير كالفراشه

::::::::::::::::::::::::::::::::

......سيف دخل الدار قابل المديره واتفقت معاه على المبنى الجديد وطلب منها ان يعاين المكان بس طلب من المديره طلب غريب جدا

ايه هو الطلب ده ....ده الى هنشوفه فى الجزء الجديد

كل واحد علق وكان له سؤال انا رديت عليه

الطلبات اللي انطلبت من حزلووووقه اتنفذت ولا حد لسه نفسه في حاجه

واستاذ ابراهيم هو اللي نجح في التخمين يبقي لك هديه عند حزلووووقه

ها استاجز انا بقي

مـــــنـــــه الــــلـــــه .... و مـعـاكـسـه تـلـيـفـونـيـه

منه الله

طول عمرى عايشه فى بيت مليان بالحنان والامان .ابى انسان ملتزم علمنى العطاء وبيحب امى كتيير , وامى بتقدره وماترفضش له طلب .بدعي ربنا انه يرزقنى بزوج صالح زيه كل اللى يهمه فى الدنيا دى هو طاعه ربنا والاهتمام بزوجته وبنته

سهى

صاحبه منه الوحيده زى اختها بالظبط

ماتقلقيش يامنه انتى بنت ملتزمه وربنا هيرزقك بواحد صالح ... يابنتى بطلى كآبه بقى كل ده علشان سى محمود جاركم ,انتى عارفه انه ولد فاشل ومافيش حاجه فى عقله غير معاكسه البنات , وبعدين انتى عملتى الصح اول ماكلمك فى التليفون وحاول يعاكسك قفلتى السكه فى وشه وناديتى لباباكى وحكيتيله . انتى كده صح باباكى زمانه كلم باباه ويارب يكون روقه

:p

منه

:طيب يلا نروح الكليه بقى , (وتنظر لسهى فى حزن )معلش ياسهى انا اخرتك على المحاضرة الاولى انا اسفه ياسهى بجد اسفه

سهى

ولا يهمك ياستى انا بس خفت عليكى لما لقيتك بتكلمينى وانتى بتعيطى جيتلك جرى , عجبك كده حتى حجابى مش مظبوط علشان خاطر عيون ست منه هانم

منه

:

ياستى ولا تزعلى المرايه عندك اهيه اظبطى حجابك براحتك وانا هلبس حجابى انا كمان

ام منه خلف باب الحجرة تستاذن للدخول

ام منه

منه ممكن ادخل

منه

طبعا ياامى اتفضلى

ام منه

:منه ياحبيبتى باباكى خلاص رجع من عند ابو محمود وخلاص كلمه ونبهه انه لازم يتصرف مع ابنه خلاص ياستى ولاتزعلى ولا اشوفك زعلانه ابدا

سهى

ياسلام ياست منه .. وانا فين ياطنط انتى مش هتدلعينى انا كمان مش انا بنتك برده

ام منه

: طبعا ياسهى وانتى عارفه كده كويس

فعلا والله وكبرتوا يابنات

سهى

اه ياطنط منه كبرت وبقت زى القمر كمان

منه وجهها يحمر خجلا

سهى

بس قوليلها تخلص بقى ياطنط علشان نلحق المحاضره التانيه

ام منه

طيب هتلحقوا المحاضره ولا بلاش تروحوا النهارده

منه

:لا ياامى ماينفعش وبعدين النهارده بالذات انا متفقه مع مديره دار الايتام ان انا وصحباتى هنروح النهارده نقضى بقيه اليوم مع البنات

ام منه

النهارده يامنه

منه

ايوه ياامى انا قلت لحضرتك انبارح

ام منه

:ايوه يابنتى انتى قلتيلى بس انتى من بعد صلاه الفجر مانمتيش علشان اللى ربنا يهديه محمود ده , لازم تستريحى يابنتى

سهى

تستريح ايه ياطنط بنتك دى اما بتشوف البنات بتبقى زى العيله الصغيره وتفضل تجرى وتلعب ماتخافيش علينا ياطنط

منه

طيب بطلي غلبه بقي

السلام عليكم ياامى عايزة منى حاجه

ام منه

فى حفظ الله يابناتى فى حفظ الله

فى الصاله تجد منه اباها يجلس ويقرا الجريده

منه وسهى

السلام عليكم

ابو منه ( الدكتور احمد

وعليكم السلام فى حفظ الله , خدوا بالكم من نفسكم

منه

ان شاء الله ياابى

منه وسهى وصلو الجامعه بسلام والحمد لله

هدير وساميه(صحبات منه وسهى

ايه يابنات اتااخرتوا ليه ؟

منه

السلام عليكم , معلش ياجماعه حصل ظرف كده ,المهم اخدتوا ايه الكتور قال حاجه مهمه

هدير

:ايوة يامنه بس ماتخافيش الدكتور ده ميزته انه بيعيد باختصار اللى شرحه فى المحاضره الى بعدها

منه

الحمد لله, المهم يلا يابنات علشان نلحق المحاضره

ودخلو المحاضره وبداوا بالجلوس انتظارا للدكتور ومنه وسهى بيتكلموا حصلت حاجه غريبه ....ده بقى اللى هنشوفه فى الجزء الجاى

ها حد يتوقع ؟؟؟؟

لارسال واستقبال الاقتراحات والشكاوي يرجي الارسال علي

مدونه حزلووووقه دوت بلوج سبوت

والعاقبه عندكم في المسرات

:))))

مقدمه اومال منا لازم ارغي:)))

كتبت قصه كده على ادى اسمها منه الله وسيف

دى قصه اجتماعيه ..... من واقع حياتنا اليوميه

والقصه دى كتبتها بوضح فيها الزواج والارتباط ,بس الارتباط الصح والزواج فى ديننا

ومش معنى ان دايما الشيوخ يقولوا لازم يبقى فى ضوابط , ان معندناش فى ديننا حب بالعكس احنا ديننا كله بيقوم ع الحب

واسمى نوع من انواع الحب هو حب الله ويليها حب الرسول وبعدين الوالدين والحب فى الله

جميل ان الواحد يحب شخص فى الله يعنى يحبه علشان دايما بيعينه على ذكر الله او بيحبه مش علشان هدف دنيوى او مصلحه ومااكتر حب المصالح هذه الايام

المهم ندخل فى القصه واتمنى انها تعجبكم البطله :

منه الله

فتاه جامعيه على خلق وذات شخصيه واعيه بنت وحيده ليس لها اخوه او اخوات متفوقه فى الدراسه حافظه لاجزاء لاباس بها من القران تحب امها وابيها جدا اخذت من امها الحنان والرقه , واخذت من ابيها العقل والرزانه واخذت من كليهما الايثار (اى حب الاخرين )دائما ماتجدها فى دور الايتام او دور المسنين كفايه كده ع البطله (اناقلت فيها شعر

البطل

سيف

مهندس على خلق وضع اجتماعى مرموق, له اخت ومتزوجه واخ فى ثانويه عامه (الكابووووووووووووس) كان دائما الاول على الجامعه ورئيس اتحاد الطلبه حافظ للقران كاملا (ماشاء الله )بار بوالديه نهل من ابيه العلم الشرعى (فأبيه استاذ فى الازهر) وامام فى مسجد الحى عندهم اه نسيت اقولكم ان سيف ومنه جيران (لا ماتروحوش لبعيد مش زى ماانتو فاهمين هما كانوا مايعرفوش بعض اصلا

ههههههههههههههههههههههههه

ثوانى اما اعمل زى الكتاب والمؤلفين الكبار

الاسماءمن تاليفى ولو صادف وكانت هذه الاحداث مشابهه لاشخاص فى الحقيقه فهذا خيال وانا مش مسؤله

سلام

حزلووووقه

من انا ؟؟؟ اولا

السلام عليكم ياكلكم:)))








انا عايزة اعمل مدونه لا لا لا خلاص انا عملتها اهو:))





انا كنت فكرت من فتره اكتب قصه





انا مش مؤلفه بس عايزة اكت قصه





يلا يعني هي جت عليا يعني





المهم هكتبها وهستني رايكم








يلا سلام